SKII Collection

好多SKII mask,面霜^^

環采鑽白修護霜EX

肌源緊緻精華面霜

肌源緊緻特潤精華面霜 & 瞬效修護雪凝霜

用開左面2款Mask,第3款係3D剪裁,分開上下部分,最右邊係eye mask,

今日塊面好多暗粒,可能因為琴日出門口唔記得左揸面霜出門口,太乾..

所以我今日敷左最左邊既修護面膜.. *記得敷完要洗面*

P.S.雖然買左好多,但我係一個慳妹,我打算放番入雪櫃聽朝用..

*我知道咁唔係幾好,不過試一試啦,相隔唔多過12小時*

遲D再UPDATE:)

The History of Whoo 明義享 All-in-one Cream 萬能膏

以前係Yahoo打Blog既時候收到一間賣韓國護膚品網店邀請試用,但當時太懶啦!!
我推左之後先發現原來佢賣既牌子都大有來頭,
所以過左幾個月後我就叫佢俾d試用我試一試啦!!

個網店店主幾nice,問我咩年紀,皮膚有咩想改善同膚質就推薦左我用d product,
都叫我睇下佢個網 - Link 認識下。
我發現佢個網既product比一般網上店既product齊全同價錢屬於中等,
不過我就見到店主影左d韓國既包裹,所以會比較放心用來自韓國既試用。
P.S.:睇d forum話有d太平既鋪頭其實係賣Made in China既韓國野...所以要小心d選擇。

5包萬能膏, total 5ml

貪方便,用左個裝2.5g SKII cream既膠瓶擠左4包入去,多到山唔埋!!

今日分享下e款萬能膏先,d簡介唔多講啦,我都係睇個網 - Link。
我同個店主講,轉天氣,皮膚凹凹凸凸,又紅又有少少敏感,
佢就叫我唔好轉太多護膚品,佢叫我靜係換左個面霜做萬能膏試一晚睇下點。

一開出黎,都幾杰身,淡黃色,香味好自然,
不過我好怕揸杰身既膏,所以點左少少係手背試一試先。

點少少就推得好開,一開始個面好似油油地咁

不過過20秒之後就吸收左9成,再過幾分鐘就好滑

琴晚敷完mask之後我就靜係揸左e個萬能膏,今朝起身,甩皮敏感情況改善左,
額頭本身有粒大既暗瘡準備既出黎,結果冇出到同細左一半,凹凹凸凸既地方都滑番唔少:)

我個人認為e款係必備品,但可以唔洗買幾十包,只要留十包八包準備定,敏感個陣用就夠。

Groupon團購 激光脫毛體驗

係Groupon買左2個脫毛療程,包括:
Beverly Skin Refining Center 芭芙麗美肌再生中心 $688/3部位x 8次
Musee Platinum Tokyo $288/腋下 x 16次

當係Groupon買既時候,想係網上搵下d Review,不過全部都係贊助後既用後感,

所以好多都係有讚冇彈既用後感,結果我見平平地,就自己買黎試下。

未去之前,我對e兩間既期望係有少少分別,

Musee Platinum Tokyo,我感覺係大公司,上網都有d真實既評價,所以我都覺得放心去既。

Beverly Skin Refining Center 芭芙麗美肌再生中心,係美容院,

網上有少量贊助後既用後感,所以我已經有預感會有Hard sell成份,所以去既話會有d戒心。

Musee Platinum Tokyo,第一次係咨詢,講真,係浪費時間,同有少少不滿個服務;

打去book個陣話要最多1個鐘,事實上,成件事用5分鐘就會ok,

但問題係,d員工會放你入間房入面等好耐都唔入黎搞埋d文件。

仲未做第一次既激光療程,但職員同我講,要做十幾次左右先會冇哂,

頭幾次唔會有反應住,係成個療程靜係可以用剃毛方式黎整走d毛毛,

最煩既係:激光療程頭1-3年,每3-4個月一次;第4/5-6年,每5-6個月一次。

成個過程要5年左右..其實我都唔知好嬲定好笑。

嬲在要搞5年,笑左288蚊佢會同你搞5年,係咪吹漲呢..

想join既朋友可以諗下你接唔接受到5年都係要用剃毛既方法去過活啦。

一張2面既文件,但就等左半小時以上

Beverly Skin Refining Center係尖東站附近,尖沙咀站b出口要行好耐。

我上到去,d人好似幾nice既,都唔洗等好耐;

佢會有份野俾你填,但有個真相要講既係:職業,地址都係開價既因素。

佢就同你講,部機有幾好,有3個功能,但groupon既療程只係包1個,加$$就可以有埋其他功能。

[因為我有d清楚美容院既賺錢方式,所以我唔係好相信d function分開既講法]

入去間房仔環境幾舒服既,而且d時間唔會話要book到n年後先有得做,

我冇加$$做都唔會黑面,服務態度唔錯!!

個過程係佢揸左d蘆薈係我度,之後就叫我合埋眼,有部機個頭滑過我既皮膚,

冇咩感覺,但做完落到街,唔知係咪心理作用,覺得好似有d熱熱地。

P.S.:佢叫我下次去之前2-3日剃毛先。

[e個post,我會update番個效果既;因為我2間都係去左1次]

我的最愛 - Base 底霜

化妝化左幾年,花過唔少錢去買野去試,

我個人認為,化妝品同護膚品既分別係,

化妝品揀得好既,每樣一支就夠,唔同護膚品咁,要就番唔同皮膚狀況去改變;

而且,化妝品既壽命比較長,用量都比較少,

所以,花多少少錢去買好d既化妝品都值得既!!

當然,都唔係全部都要貴野先好既,

好似我今日想講既base咁,有3款都係我想推介既!!

左: Banila co. Primer Classic
中: Sofina Primavista Long Keep Base UV
右: Banila co. Primer Hydrating
(個樽係鏡面,真係令到反映哂我成間屋出黎,唯有加膠紙影)

e3款都係我既最愛,3款用哂既話,因為唔貴,所以我都會回購其中兩至三款。

Banila co. Primer Classic個質地係最杰,一推開就啞色,好滑,好控油。
都因為咁,我覺得我要用比較多先可以揸哂成塊面,所以我比較鍾意揸眼蓋位,
靜係得e款揸眼蓋位先唔出油,我覺得比urban decay個款專揸眼蓋既用途比較大。

Sofina Primavista Long Keep Base UV個質地好稀好薄,同佢牌子既防曬差唔多,
有少少肉色,控油程度唔及Banila co. Classic,靜係揸E款,眼蓋位4,5個鐘後會有油,
所以我會平時唔上粉底又想化妝個陣全面用+Banila co. Classic,有好少好少既遮暇度。

Banila co. Primer Hydrating個質地好似lotion咁,我會用係u字位,咁樣上胭脂會貼d。
[真係好慘,有時乾到連上胭脂都浮粉:(]

Dior One Essential Ultra-Detox Treatment Mask 完美活膚更生面膜

Dior One Essential Ultra-Detox Treatment Mask 完美活膚更生面膜

JELLY狀,淡粉紅色

延伸性強
應該敷咁厚

第一次認識E個mask係睇雨僑既youtube-Link

信念:
唔洗樣樣都用靚野,
不過應該要隨時預備定d靚既護膚品,化妝品可以急救見人:)

我係買左50ml正裝$5XX定6XX@卓悅,

唉,結果又係睇到一set2件各15ml既sample$115@雅思><

P.S.:要係專門店先有雨僑youtube入面既刮,不過又唔值得為左個刮俾貴d!!

好啦,講下用後感啦,

敷10mins咁短真係會懷疑有冇用,

用完之後,光澤感好左少少,排毒ed咁空範唔係好感受到..

所以如果知道第二日要見d好重要既人,或者係d重要既約會,

我都會係前一晚敷佢,第二日再提早d敷paper mask,確保個妝貼d唔會甩皮。

e個mask保濕唔夠高,真正feel到既效果冇佢講既咁強勁,係幾失望既,

以名牌mask黎講,性價比低,我個人黎講唔會回購。

sample個價係可以試下,但就算咁平,我買完試用都唔會再回購。

SK-II 神仙水 Facial Treatment Essence

SK-II Facial Treatment Essence 神仙水

神仙水質地就直情係水狀
每次大概用1/3至半泵一次就夠哂

對神仙水既認識應該係來自我媽咪,佢八年前買左一set神仙用品俾自己做生日禮物。

點知佢對神仙水敏感,之後就打左佢入冷宮。

七年後,即係上年,個支神仙水仲靜低左8成係度,我21歲既時候遇上SK-II神仙水。

上年既夏天,我唔知E度野有咩咁特別,當佢化妝水咁拎黎噴,

心諗:"一大陣口水味,又過哂期,用多D快D用埋佢.."

三個月之內,我用哂215ml支裝神仙水,而且冇留意自己皮膚既改變。

結果係,有次同兩個中學既男仔朋友食飯,佢地問:"你係咪化左妝?!皮膚好左好多.."

我一諗再諗先知,原來係E支野作怪,haha

過左一個冬天,冇神仙水既日子,皮膚差左好多(同有神仙水個陣比)

我明點解個傳言會出現,"一停用就打回原形"..[講到自己好似個d妖精扮人咁XD]

諗左好耐,好想過番個種皮膚好好既日子,唯有死死地氣去搵番黎用la..

shit,點知原來係好鬼好鬼貴既..

道理出沒:
錢用黎草,會有通脹;錢用黎投資,可能會蝕;
錢用黎食,一定會肥;錢用黎扮靚,實會變靚。唔好發夢有人要就唔洗扮靚,
因為男人係低等生物,男人個大腦係細過佢地細佬,
就算佢地鍾意你,都唔代表唔會睇靚野,鍾意靚野。
扮靚又唔等於目的係取悅個群低等生物既,
取悅自己,或者係保持競爭力都唔錯。

以2014年3月5號既價格,330ML裝,

$1198@雅思; $1138@龍城; $12XX@SASA,卓悅

最氣頂係我係雅思買完先醒起龍城,真心係好憤怒!!

[btw,宜家香港各化妝品公司服務態度奇差,

買千幾蚊野,問多兩句都俾人串..我都唯有嘆氣講聲鬼叫我唔係講普通話咩!!]

最近D皮膚好差,凹凹凸凸,又敏感又甩皮,

E支新既神仙水,我用左兩日,未有咩感覺,不過我都相信係會變番好既,就好似上年咁^^

係日常護膚度,我都減左太多既產品,想試下神仙水既真正功力。

(maybe遲d再update下個皮膚情況la)

Tips:
當我皮膚差,又唔係敏感,痕,但就一撻撻咁又紅又凹凹凸凸,
咁就會每晚拎d乾既紙膜,敷d花水,大概敷20-30mins,
咁就會有改善,不過都要keep住個幾星期先會好番8,9成。